HÓPTÍMAR Í ART OF YOGA
Iðkun sem byggist upp með þér
Í Art of Yoga eru hóptímar ekki röð af ótengdum tímum.
Kennslan byggist upp stig af stigi og hver tími tekur við af þeim síðasta.
Við vinnum aftur og aftur með hreyfingu, öndun og athygli og förum smám saman dýpra. Með tímanum verður það sem áður var óljóst skiljanlegra og iðkunin verður meira þín eigin.
6 vikna tímabil · 22.500 kr.
Þú byrjar þar sem þú ert.
Við byggjum þaðan.
Kennsla sem þróast með tímanum
Við trúum því að raunverulegur skilningur verði ekki til á einum tíma.
Hann verður til með endurtekningu, reynslu og því að hitta sömu meginreglurnar aftur í nýju samhengi.
Þess vegna byggjum við ofan á það sem þegar hefur verið kennt og förum smám saman lengra.
Þú lærir ekki aðeins að gera æfingarnar heldur hvernig þær virka, hvers vegna við gerum þær og hvernig þú getur unnið með eigin líkama, öndun og athygli.
Margir iðkendur hafa verið hjá okkur árum saman. Þegar einn þáttur verður skýr opnast sá næsti.
Það er alltaf lengra hægt að fara.
Hreyfing.
Öndun.
Athygli.
TÍMARNIR
Um tímana
Tímar eru kenndir á Íslensku og ensku
-
Fyrir stig 1 þá getur þú valið hópinn á mánudögum og miðvikudögum eða þriðjudögum og fimmtudögum
Mánudagar
17:00 Stig 1
Þriðjudagar
17:00 Stig 1
18:20 Stig 2
Miðvikudagar
17:00 Stig 1
Fimmtudagar
17:00 Stig 1
18:20 Stig 2
Laugardagar
10:00 Sameiginlegur tími
-
6 vikna tímabil
22.500 kr.
Innifalið er hóptímar á Stigi 1 eða Stigi 2 á tímabilinu, laugardagstímar og aðgangur að netbókasafni Art of Yoga.
5 tíma kort — 15.000 kr.
Gildir í 6 vikur.
Stakur tími — 3.500 kr.
Athugið: Öll kort eru án framlengingar. Frídagar og helgidagar eru reiknaðir inn í sex vikna tímabilið og getur tímabilið því í reynd náð yfir 6–7 vikur.
Tímarnir eru kenndir á íslensku og ensku.
-
Kennslan í Art of Yoga á rætur sínar í klassískri Vinyasa Krama-hefð.
Öndun, hreyfing og athygli eru kennd sem ein heild. Æfingarnar eru byggðar upp í markvissri röð og þróaðar smám saman eftir getu og reynslu hvers iðkanda.
Engir tveir líkamar eru eins og fólk kemur með ólíka reynslu, styrk, hreyfigetu og þarfir.
Þess vegna snýst kennslan ekki um að allir geri nákvæmlega það sama.
Við kennum manneskjunni sem er fyrir framan okkur.
-
Stig 1 er grunnurinn að áframhaldandi iðkun.Við vinnum markvisst með helstu hreyfingar hryggjarins, grunnstöður, öndun og samhæfingu hreyfingar og athygli.
Smám saman bætast við flóknari hreyfingar og millistigsstöður eftir því sem skilningur og geta aukast.
Tímarnir henta bæði þeim sem eru tiltölulega nýir í iðkuninni og þeim sem vilja styrkja grunninn og halda áfram að þróa örugga og sjálfbæra iðkun.
-
Stig 2 er fyrir þá sem hafa góðan grunn og vilja fara lengra.
Iðkunin verður líkamlega krefjandi og flóknari og meiri áhersla er lögð á millistigsstöður, styrk, nákvæmni og flæði.
Jafnframt er farið dýpra í samband öndunar, hreyfingar og athygli.
Markmiðið er ekki einfaldlega að gera erfiðari stöður heldur að auka skilning, næmi og færni í iðkuninni.
-
Á laugardögum koma hóparnir saman í sameiginlegri iðkun.
Þar gefst meiri tími til að vinna með það sem hefur verið kennt yfir vikuna, endurtaka, kanna og dýpka — og einfaldlega iðka saman.
GÓÐUR STAÐUR TIL AÐ BYRJA
Nýr í Art of Yoga?
Ef þú hefur ekki æft hjá okkur áður mælum við með því að þú byrjir á Grunnvikunni.
Þar færðu inngang að þeim meginþáttum sem kennslan okkar byggir á og kynnist því hvernig við vinnum með líkama, öndun og athygli.
Þaðan geturðu haldið áfram inn í reglulega hóptíma og byggt iðkunina áfram með okkur.
Skrá mig í hóptíma
Skildu eftir upplýsingar hér að neðan. Við höfum samband til að staðfesta pláss í hópnum og sendum þér greiðsluhlekk.