Hóptímar

Hóptímar í Art of Yoga eru ekki röð af stökum, ótengdum jógatímum.

Kennslan er samfellt ferli. Hver tími byggir á því sem áður hefur verið kennt og smám saman myndast dýpri skilningur á líkamanum, önduninni og sjálfri iðkuninni.

Við kennum í litlum hópum, þannig að hver iðkandi fær faglega kennslu, persónulegan stuðning og aðhald til að þróast áfram eftir eigin getu.

Þú byrjar þar sem þú ert. Við byggjum þaðan.

Við hittum þig þar sem þú ert í dag — en markmiðið er að þú sért kominn lengra eftir sex vikur, enn lengra eftir sex mánuði og með enn dýpri skilning eftir nokkur ár.

Iðkunin byggir á klassískri Vinyāsa Krama nálgun.

Við vinnum með hreyfingu, öndun og athygli sem eina heild. Sömu meginreglur koma aftur og aftur fyrir í mismunandi samhengi og með tímanum verður iðkunin skýrari, öruggari og dýpri.

Markmiðið er ekki að safna fleiri og fleiri stöðum. Markmiðið er að skilja betur hvernig á að iðka.

Stig 1 byggir upp traustan grunn.

Við vinnum með grundvallarhreyfingar, öndun og samhæfingu líkama og athygli. Áherslan er á að læra meginreglurnar vel og byggja upp iðkun sem hægt er að halda áfram að þróa.

Þetta stig hentar bæði þeim sem eru nýir og þeim sem vilja styrkja grunninn í eigin iðkun.

Stig 2 heldur áfram með sömu meginreglur en fer dýpra.

Við vinnum með meiri nákvæmni, fjölbreyttari Vinyāsa Krama leiðir og meiri sjálfstæði í iðkun.

Þetta er ekki einfaldlega „erfiðara jóga“, heldur næsta skref í skilningi og iðkun.

Laugardagstíminn er sameiginlegur tími fyrir Stig 1 og Stig 2.

Þar gefst meira rými til að fara rólegra og dýpra í það sem unnið hefur verið með yfir vikuna.

Við vinnum í sex vikna lotum vegna þess að regluleg mæting skiptir máli.

Raunveruleg breyting verður sjaldnast til í einum góðum tíma. Hún verður til þegar við mætum aftur, endurtökum, lærum betur og leyfum iðkuninni að byggjast upp.

Þess vegna er sex vikna tímabilið hluti af kennsluaðferðinni — ekki bara greiðslufyrirkomulag.

Ef þú ert ný/n hjá okkur byrjar þú frá grunni.

Við kennum grunnlögmál iðkunarinnar: hvernig líkami og andardráttur vinna saman, hvernig hreyfing er aðlöguð að einstaklingnum og hvernig iðkunin þróast skref fyrir skref.

Þú þarft ekki að vera liðug/ur eða „góður í jóga“.

Þú þarft bara að vera tilbúin/n að mæta og læra.